Arz-ı Dîdâr Eyledi Çün Yûsuf-ı Câna Safâ

NUTK-İ ŞERÎF

Arz-ı dîdâr eyledi çün Yûsuf-ı câna safâ

Geldi çün Ya'kûb-ı kalbe ol kamîs-i pür-safâ

Nevha idüp nefs-i Âdem saldı 'ummâna vücûd

İstivâ-yı cem' ile göründü ol Tûr-ı Sînâ

Nâr-ı 'aşk mancınhına atladı a'mâne dil

Düşdü bir gülşene kim anda durur vasl-ı Hudâ

Mekr-i nefsi mahv ile zevk-i şühûdî eyledi

Rûh-ı Dâvûd'a irişdi kühl-i nûr-ı Kibriyâ

Eyledi sırr-ı hitâb-ı "len terânî"den beri

Hal'-i na'leyn ile oldu sırr-ı Mûsâ'da fenâ

Meryem oldu nefh-i kudse mazhar u mâlik bugün

Sırr-ı 'Îsâ bir vücûda sâhib oldu bî-merâ

Şâhid ü meşhûd Nasûhî bu makâmda tıfl-ı Mîm

Şübhesiz dürr-i yetîmsin yok sana nakl ü fenâ

Üsküdarlı Şeyh Muhammed Nasûhî

Kaddesallahu Sırrahu'l-Âlî